名牌大學畢業，我，廖子言，本以為人生準備上岸嘆世界。
點知一腳踩入失業嘅泥潭，焗住簽咗份賣命……唔係，係賣「頭」嘅賣身契，喺一間叫“Dullahan”嘅神秘會所打工。
佢哋叫我做「頭顱者」（Header），即係所謂嘅CPU。
我嘅任務？就係將我個腦「安裝」入啲有錢又騎呢嘅客嘅身體入面，幫佢哋執掂啲雞飛狗走嘅蘇州屎。
第一單Job：「借用」一位靚到dum一聲嘅大小姐嘅身體，代佢去打支針。
本來諗住係筍工一份，錢多冇手尾。
點估到……
呢位大小姐身邊有兩條友做護法，武功高強，個腦就雙雙short咗。
而呢副靚樣嘅身體，竟然收埋個嚇到我傻嘅驚天大秘密。
我到底將個「頭」賣咗畀邊個？
呢份咁嘅鬼工，又會帶我跳入點樣嘅無底深淵？！